Нийт багш, ажилчдын нэгдсэн семинар, хурал амжилттай зохион байгуулагдаж байна.

Гёте Олон Улсын Бүрэн Дунд Сургуулийн нийт багш, ажилчдын нэгдсэн семинар, хурал амжилттай зохион байгуулагдаж байна. Тус семинар нь шинэ хичээлийн жилийн сургалт, үйл ажиллагааг үр дүнтэй төлөвлөх, багш, ажилчдын хамтын ажиллагааг сайжруулах, нэгдсэн зорилго, чиглэлээр ажиллахад чухал ач холбогдолтой юм.

Семинарын хүрээнд шинээр ажилд орж буй багш, ажилчдыг нийт хамт олонд танилцуулж, тэдний туршлага, мэргэжлийн чиглэл, сургалтын үйл ажиллагаанд оруулах хувь нэмрийн талаар мэдээлэл солилцлоо. Мөн сургалтын чанар, сурагчдын хөгжил, багшийн мэргэжлийн ур чадварыг дээшлүүлэх чиглэлээр санал, санаачилгаа хуваалцаж байна.

Түүнчлэн Кембрижийн олон улсын хөтөлбөр, Герман хэлний сургалтын хөтөлбөр, Англи хэлний хөтөлбөрийн хэрэгжилт, онцлог, уялдаа холбоо болон цаашид хөгжүүлэх боломжийн талаар дэлгэрэнгүй хэлэлцэв. Хөтөлбөрүүдийн хүрээнд сурагчдад олон улсын түвшний боловсрол олгох, хэлний мэдлэг, академик ур чадварыг хөгжүүлэхэд багш нарын хамтын ажиллагаа, нэгдсэн арга зүй чухал болохыг онцоллоо.

Мөн шинэ хичээлийн жилийн зорилго, зорилтыг тодорхойлж, сургалтын чанарыг нэмэгдүүлэх, сурагч бүрийн хэрэгцээ, онцлогт нийцсэн боловсролын орчныг бүрдүүлэх талаар санал солилцож байна.

Нэгдсэн зорилго, хамтын ажиллагаа, мэргэжлийн хөгжлөөр дамжуулан илүү чанартай боловсролыг хамтдаа бүтээнэ.